Espainiako BPGak % 2,6ko urte arteko hazkundea izan zuen 2026ko bigarren hiruhilekoan, aurreko hiruhilekoan baino hamarren bat gutxiago (% 2,7), eta hazkunde-ibilbide egonkorra mantendu zuen, nahiz eta zertxobait motelagoa izan. Eskari nazionalak jardueraren euskarri nagusia izaten jarraitu zuen, % 3,5eko hazkundearekin, lehen hiruhilekoan baino hamarren bat gehiago. Etxeen kontsumoa % 3,5era bizkortu zen, eta Administrazio Publikoen gastua % 2,6 hazi zen. Kapital finkoaren eraketa gordinak hazkunde handia mantendu zuen (% 5,3), nahiz eta aurreko % 5,8tik behera egin. Inbertsioaren barruan, jabetza intelektualeko produktuen hazkunde handia (% 8,9) eta ekipamendu-ondasunen susperraldia (% 5,4) nabarmendu ziren; eraikuntzako inbertsioa, berriz, % 4,0ra moteldu zen.

Eskaintzaren aldetik, lehen sektorearen susperraldia nabarmendu zen bereziki, aurreko hiruhilekoko -% 3,4tik % 6,0ko hazkundera igaro baitzen. Eraikuntzak hazkunde esanguratsua mantendu zuen, nahiz eta % 4,3ra moteldu, eta zerbitzuen hazkundea zertxobait jaitsi zen, % 2,9ra. Industriak ere dinamismo apur bat galdu zuen, % 1,4ko hazkundearekin. Kanpo-sektoreari dagokionez, ondasun eta zerbitzuen esportazioek hobera egin zuten, % 1,5era iritsiz, baina inportazioak indar handiagoz bizkortu ziren, % 4,3ra. Oro har, Espainiako ekonomiak hazkunde sendoa mantendu zuen 2026ko bigarren hiruhilekoan, batez ere eskari nazionalak, kontsumoak eta inbertsioak bultzatuta, nahiz eta BPGaren hazkundea zertxobait moteldu eta inportazioek indar handiagoa hartu.

 

 

Iturria: EUSTAT