Eustaten Biztanleria Jarduerarekiko Inkestaren (BJA) eta INEren Biztanleria Aktiboaren Inkestaren (BAI) azken datuen arabera, Bizkaiko okupazio-tasa % 51 inguruan kokatzen da 2026ko bigarren hiruhilekoan: % 51,0 BJAren arabera eta % 50,76 BAIren arabera.

BJAren arabera, okupazio-tasa % 55,1ekoa da gizonen artean eta % 47,2koa emakumeen artean, ia zortzi puntuko aldea mantenduz. Adinaren arabera, okupazioa handiagoa da 25 eta 44 urte artekoen artean (% 81,1); aldiz, batez bestekoaren azpitik kokatzen da 16 eta 24 urte arteko gazteen artean (% 26,0) eta 45 urte eta gehiagokoen artean (% 43,5).

EAEn, eredua antzekoa da: BJAren arabera, okupazio-tasa % 52,4koa da, % 56,5 gizonen artean eta % 48,5 emakumeen artean. Enplegu-mailarik handienak ere 25 eta 44 urte artekoen artean (% 82,2) erregistratzen dira; aldiz, tasa % 44,7koa da 45 urte eta gehiagokoen artean eta % 29,4koa gazteen artean.

Bestalde, BAIk Estatuko okupazio-tasa % 53,44an kokatzen du 2026ko bigarren hiruhilekoan, % 58,52 gizonen artean eta % 48,60 emakumeen artean. Oro har, datuek generoaren eta adinaren araberako alde nabarmenak erakusten dituzte, okupazio-maila handiagoekin gizonen eta adin ertaineko biztanleriaren artean.

 

 

Iturriak: INE eta EUSTAT